GENERAL SANTOS CITY – Usa ka kumander og unom ka miyembro sa Guerilla Front 71 sa New Peoples Army (NPA) ang misurender sa sabakan sa gobyerno.
Matud kang Lt. Col. Ronaldo Valdez sa 73rd Infantry Battalion Philippine Army nga sa nakalabay nga adlaw misurender ang usa ka kumander, political instructor, og laing upat ka miembro og usa ka unit militia.
Ang duha ka surenderees ang pulos residente sa Brgy. Tibulan Toril District, Davao City, tulo nga taga Jose Abad Santos, Davao Occidental.
Ang political instructor ang residente sa Sarangani Province.
Gibutyag ni Valdez nga gisurender sa unit militia nga si Alyas Ham sa militar ang usa ka Spring field rifle.
Sa pamahayag pa sa opisyal nga sa ilang pakig-istorya sa mga kanhi rebelde, namahayag ang mga nasangpit nga ang rason nga mikanaug sila sa patag tungod gatuo sila wala nay padulngan ang padayong pakigbatok sa gobyerno.
Gisiguro ni Lt. Col. Valdez nga makasiguro ang nasampit nga mga former rebels nga makaangkon ug cash assitance og panginabuhian.
