Krisis sa Middle East nagpadako sa kabug-aton sa gastuhon sa mga pamilyang Pilipino

Wala mosaka ang suhulan sa kadaghanan sa mga mamumuo, apan padayon ang pagsaka sa presyo sa palaliton nga nagpasamot sa kabug-aton sa gastuhon sa mga pamilya karong panahona nga apektado ang nasud sa krisis sa Middle East.

Matud ni Professor Mayong Aguja sa MSU Gensan, dako kaayo ang epekto sa ekonomiya sa Pilipinas ang presyo sa petrolyo tungod kini ang “bloodline” sa ekonomiya sa nasud.

Giingon pa niya nga kung magpadayon ang tensyon sa Middle East, apektado gyud ang mga nasud nga nagasalig sa imported nga lana. Busa, importante nga matutukan sa gobyerno ang pag-adjust sa sweldo aron makaangay sa pagtaas sa presyo sa mga palaliton ug malikayan ang dugang kabug-aton sa katawhan.