Uban sa kinasingkasing nga mensahe nga giborda sa iyang departure dress, mibiyahe na si Miss World Philippines 2024 Krishnah Gravidez paingon sa Telangana India.
Gikatakda siyang magrepresentar sa Pilipinas sa gipaabot nga ika-72 nga edisyon sa Miss World pageant karong Mayo 31.
Ang makuti nga pagborda sa elegante nga sinina ni Gravidez nagdala og personal ug simbolikong mensahe: “Pilipinas, dala ko ang pangarap, pag-asa, ug pag-ibig mo. Nagmamahal, Krishnah.”
Lakip sa mga mitabang kang Krishnah mao ang mga Filipino fashion designers nga silang Rian Fernandez, Mark Bumgarner, Oshi Sato, Francis Libiran, ug Simeon Cayetano, ingon man pipila ka designers gikan sa Thailand ug Vietnam.
Nagpasalamat si Krishnah sa tanang misuporta kaniya.
Ang Pilipinas nakadaog sa unang Miss World crown/title niadtong 2013 pinaagi ni Megan Young.
Daghang mga pageant aficionados gikan dinhi ug sa gawas sa nasud dako ang pagtuo nga ang Pilipinas makadaog sa ikaduhang Blue Crown karong tuiga.
