Nag-reunion si Kris Aquino ug iyang mga anak nga sila Josh ug Bimby uban kang First Lady Liza Araneta-Marcos atol sa advance birthday celebration niini.
Ang “Queen of All Media,” kauban ang iyang duha ka anak, mibisita kang First Lady sa wala pa ang iyang birthday karong Agosto 21 ug nagdala og tulo ka birthday cake alang sa maong okasyon.
Gipaambit usab ni First Lady Liza Marcos ang usa ka litrato gikan sa ilang reunion, diin makita si Josh nga naggakos kaniya gikan sa likod, samtang anaa sa iyang kiliran sila Kris ug Bimby.
Ang maong panagtapok maoy usa na usab ka public interaction tali sa mga pamilyang Aquino ug Marcos, kansang mga ngalan nga dugay nang nalambigit sa magkasumpaki nga politikal nga panig sa kasaysayan sa Pilipinas.
Bisan pa sa politikal nga kasaysayan nga naglibot sa ilang mga pamilya, adunay maayong relasyon sa pamilya tali kang Kris ug Liza.
Ang iyaan ni Liza nga si Rosario Cacho naminyo kang Pedro Cojuangco, ang kamagulangang igsoon sa inahan ni Kris nga si kanhing Presidente Corazon “Cory” C. Aquino.
