Nipaubos si Kris Aquino sa surgical procedures isip kabahin sa mas agresibong yugto sa medikal nga pagtambal alang sa iyang mga sakit nga autoimmune.
Sumala sa Queen of All Media, nagsugod ang mga procedure kaniadtong Agosto 20 ug gibalhin siya sa cardiac operating room para sa pagbutang sa port-a-cath kon gamay nga device nga ginabutang para mapadali ang pagsulod sa mga ugat sa pasyente.
Sa Instagram, gipaambit ni Kris nga nahinumdom siya sa iyang inahan nga gisul-ob usab og port-a-cath, apan wala gyud siya moreklamo bisan pa nga wala siyay doktor sa pain management.
Alang kang Kris, sila si Bimby ug Josh maoy rason nganong nagpadayon siya sa pakig-batok sa iyang kondisyon. Saysay pa niini “Kung dili pa ko nila mama, dugay na unta ko ni-give up.”
Nakasabot usab siya nga sinugdanan pa lang kini sa mas agresibong pagtambal aron mabuhi siya. Sa sayo pa, gihatagan sa mga doktor ang aktres og unom ka bulan aron i-isolate ug aron makahuna-huna og usa ka maayo nga plano sa pagtambal.
Kaniadtong Abril, gipahibalo niya sa publiko nga nag-antos siya sa siyam ka mga sakit sa autoimmune, ug gipailalom usab sa usa ka medikal nga pamaagi sa samang bulana.
