Gikumpirma ni Kris Aquino nga aduna siyay bag-o nga boyfriend.
Sumala sa 53-anyos nga kanhi host-actress, usa ka doctor ang iyang bag-o nga ka-relasyon ug naka-base kini sa Makati City.
Gibutyag ni Kris nga dako nga tabang alang kaniya ang iyang bag-o nga relasyon tungod nahangpan sa iya partner ang kondisyon sa iyang panglawas.
“He’s a doctor, and I think that’s part of the reason why it was easy. Kasi alam niya kung anong pinagdadaanan ko. He’s part of the reason why I’m confident na pwede akong umuwi kasi alam ko there’s someone who will help in taking care of me,” pamahayag niini sa vlog ni Ogie Diaz.
Nagalaum usab kini nga makauli sa Pilipinas sa katapusan nga quarter ning tuiga kung mahimong maayo ang resulta sa iyang pagtambal sa gawas sa nasud.
Miangkon usab si Kris nga nagbulagay sila ni Batangas Vice Governor Mark Leviste tungod wala kini nagustuhan sa iyang 17-anyos nga anak nga si Bimby.
“Hindi sila nagkasundo nung ex [Mark and Bimby]. Hindi niya gusto eh. [Bimby’s opinion] matters to me because he knows me best. Siya at si kuya [Josh], ‘yung opinion nila really matters,” pahayag pa ni Kris.
Gidugang usab niini nga aduna siyay mga nahibal-an nga wala niya nagustuhan rason nga nabugnaw ang relasyon niini kang Mark sukad kaniadtong Nobyembre hangtod nga nadayon ang ilang panagbulag.
“Ayaw ko na magsabi pa ng more than that because part of the reason why it did not work out is I’m at the stage in my life na mas gusto ko nang tahimik,” dugang niini.
Tuig 2022 dihang mibiya si Kris sa Pilipinas aron magpatambal sa Estados Unidos sa Amerika tungod sa iyang autoimmune conditions.
