”To the rescue” ang pipila katao sa usa ka kotse nga mibangga sa mga guardrail sa kilid sa kalsada sa Zhejiang, China sa pagtuo nila nga adunay medical emergency ang driver niini.
Apan dihang gialihan ang pultahan sa kotse, nakurat sila sa nakita nila sa sulod, iro lang diay og walay tawo!
Makita sa CCTV footage nga hinay hinay nga gadagan ang puti nga kotse sa kilid sa highway hangtod sa miigo na sa guardrails og mihunong.
Ang mga nakakita sa insidente, nag-obserba una bag-o mitabang.
Dihang giduolan sa usa ka tawo ang kotse, nakurat kini tungod walay driver sa sulod og dayon may iro nga paspas nga migawas.
Taud-taud miabot ang tag-iya sa sakyanan og saysay niya, nagdali siya hinungdan nakalimtan niya nga palungon ang makina sa kotse.
Wala usab niya nabutang sa “park” ang kambyada, og posibleng aksidente nga natandog sa iro ang electronic handbreak sa kotse hinungdan midagan. Bisan sa nahitabo, maayo na lang nga walay nabanggaan sa insidente.
