Nagpagawas ang Korte Suprema og Writ of Kalikasan kabahin sa kontrobersyal nga Samal Island-Davao City Connector (SIDC) project.
Matud ni Atty. Camille Ting, tigpamaba sa Korte Suprema nga nagmando ang mga mahistrado sa mga responsable sa maong proyekto nga mutubag sa usa ka verified return sulod sa 10 ka adlaw human sila maserbisyohan sa writ.
Ang Writ of Kalikasan usa ka legal nga pamaagi ubos sa balaod sa Pilipinas nga ang tumong nga protektahan ang katungod sa katawhan sa balanced and healthy ecology.
Apan, giklaro ni Ting nga wala nagmando ang Korte Suprema nga undangon ang konstruksyon SIDC project.
Ang hangyo sa petisyon nga pag-isyu og Temporary Environmental Protection Order (TEPO) gi-refer sa Court of Appeals sa Cagayan de Oro.
Ang mga respondents mao ang Department of Public Works and Highways (DPWH), the Department of Environment and Natural Resources (DENR), Samal Island Protected Landscape and Seascape Protected Area Management Board, og China Road and Bridge Corp.
Kahibaluan nga daghang mga grupo ang nagfile og petesyon sa korte suprema nga pahunungon ang construction sa P23 billion project nga ang tumong nga makonekta ang Davao City og Samal, Davao del Norte.
Gibutyag nga ang construction magresulta sa irreversible damage sa corals sa Paradise Reef and the Hizon Marine Protected Area.
Sa laing balita, gi-report sa Department of Public Works and Highways (DPWH) nga anaa na sa 38% ang progreso sa konstruksyon sa tulay.
