Gipasabot ni Atty. Rey Cartojano nga limitado lamang ang mahimong papel sa Korte Suprema kalabot sa nagpadayon nga impeachment trial batok kang Vice President Sara Duterte.
Matud ni Cartojano, molihok lamang ang Supreme Court kung adunay espesipikong rason nga gitugotan sa balaod, ilabi na kung adunay klaro nga constitutional issues nga gikinahanglan nilang aksyunan.
Dugang niya, isip lagda, dili manghilabot ang Korte Suprema sa mga proseso sa ubang institusyon gawas kung adunay seryoso ug klarong paglapas sa mga probisyon sa Konstitusyon.
Gipasabot usab ni Cartojano nga ang impeachment trial nagpabilin nga responsibilidad sa Senado, samtang limitado ang papel sa Korte Suprema sa paghusay lamang sa mga isyung legal nga sakop sa ilang hurisdiksyon.
