Imbestigahan sa Korte Suprema ang gipakatag nga fake news sa social media nga nakadawat kini og petisyon nga may 16 ka milyon nga pirma nga nanawagan matod pa sa pagresign ni Pangulong Ferdinand Marcos Jr.
Ang tigpamaba sa SC nga si Camille Ting una nang mihimakak sa maong dokumento ug miingon nga walay ingon niini nga pamahayag ang gipagawas sa tigpamaba sa SC.
Matud usab niya nga walay kamatuoran ang En banc session niadtong Lunes, Marso 17 kalabot sa maong butang.
Bahin niini, ang opisyal sa SC miingon nga ang maong mga buhat sa disinformation isumite alang sa angay nga aksyon, lakip na ang mga nangaging bakak nga mga taho nga mikaylap kaniadtong Marso 11, ang adlaw nga gidakop si kanhi Presidente Rodrigo Duterte, diin ang Korte giingong nag-isyu og temporary restraining order (TRO).
Bahin niini, gibutyag sa SC official nga isumite para sa tukmang aksiyon ang mga susamang buhat sa disinformation lakip ang nakalabay nga sayop nga reports niadtong March 11, ang adlaw nga giaresto si kanhi Pangulong Rodrigo Duterte, kung asa nagpagawas matod pa og temporary restraining order (TRO) ang Korte.
Muhimo usab og tukmang lakang ang SC lakip ang pagpahamtang og tukmang sanctions sa mga responsable niini.
Giawhag usab sa Korte Suprema ang publiko nga mutan-aw lamang sa mga opisyal nga pahayag sa Korte og sa verified social media accounts.
Gipasidan-an usab niini ang publiko sa pagpaambit sa mga dili beripikadong impormasyon inay angayang beripikahon una ang kamatuoran sa unsa mang statement nga naggikan matod pa sa Korte Suprema bag-o kini ipakatag.
