Giklaro sa Korte Suprema nga wala pa nahuman ang opisyal nga listahan sa mga aplikante sa posisyon sa Ombudsman.
Ang Korte Suprema nipagawas og katin-awan kalabot sa giingong ‘disqualification’ ni Secretary Jesus Crispin Remulla sa iyang aplikasyon sa posisyon sa Ombudsman.
Sa mensahe nga gipaambit ni Atty. Camille Sue Mae Ting, tigpamaba sa Korte Suprema, siya niingon nga wala pa magsugod ang ‘vetting process’ sa Judicial and Bar Council.
Mikuyanap na sa internet ang impormasyon o isyu diin giingong na-disqualify ang kasamtangang kalihim sa Department of Justice.
Matod ni Justice Secretary Remulla, wa siya nag sumite sa iyang aplikasyon ngadto sa Judicial and Bar Council aron makalingkod isip Ombudsman.
Kon mapili ug matudlo na gyud, ang maong kalihim maoy mohulip sa moretiro nga Ombudsman nga si Samuel Martires.
Samtang biyaan niya ang katungdanan sa pagka-secretary sa Department of Justice nga kasamtangan niyang gipangulohan.
