Gikompirmar sa abogado sa kontrobersyal nga movie director nga si Darryl Yap nga nipasaka siya og ‘not guilty plea’ sa kasong cyberlibel nga gipasaka batok kaniya sa actor host nga si Vic Sotto.
Ang kaso unang gipasaka sa Muntinlupa Regional Trial Court branch 203.
Sa usa ka pamahayag, si Atty. Raymond Fortun, iyang legal counsel, niingon nga sa Agosto 19 ipahigayon ang sunod nga pagdungog sa kaso.
Ang kaso naggumikan sa teaser sa pelikula nga giulohan og ‘The rapist of Pepsi Paloma’ nga gipagawas niadtong Enero 1 ning tuiga.
Sa maong trailer, gitumbok ang pangalan sa aktor nga si Vic Sotto nga giingong rapist ni Paloma.
Nikalma dayon ang kampo ni Vic Sotto hinungdan nga nipasaka kini og kaso batok kang Yap.
Si Yap gipasakaan og kasong libel ubos sa article 353 ug 355 sa revised penal code nga gi-amendar ug may kalabotan sa kalapasan sa cybercrime prevention act of 2012.
