GENSAN – Angayang ilhon ug pasalamatan gayud ang kobntribusyon sa mga kababainhan sa katilingban ug sa tibuok kalibutan.
Kini ang gihingusgan ni Judith Janiola sa City Population and Management Office, may kalabutan sa ginasaulog ning bulana nga International Women’s Month.
Sumala pa nga ang mga kababainhan ang usa sa contributor sa kalampusan sa socio-economic development. Hinungdan nga angayan lamang nga hatagan sila ug paigo nga respeto ug pagpasalamat.
Apan kabahin matud pa sa kultura sa mga Pilipino nga ang mga kababaihan kaniadto ang anaa sa balay ug dili magtrabaho.
Gumikan niini daghang mga pagpangabuso ang nasinatian sa mga babaye gawas pa nga walay igong ikasarang aron suportahan ang pamilya.
Apan karon nausab na matud pa ang konsepto nga ang mga babaye ang espesyal ug dili lang alang sa sulod sa balay.
Dungan niini, nagpasalamat si Janiola sa Magna Carta on Women nga nakalatid nga angayang sa hiring sa usa ka opisina 50-50 ang pagdawat sa mga empleyado.
