ALABEL,SARANGANI- Nagsugod na karong semana ang konstruksyon sa pipila ka bahin sa gitukod nga Drug rehabilitation center sa Sarangani Province.
Kini ang gikumpirma ni Dr. Alvin Alejandro, provincial health officer sa maong probinsya kon asa sumala sa nasampit tapad kini sa opisina sa PNP Kawas.
Matud ni Dr. Alejandro, ang mga unang i-contruct mao ang dining area, kusina og opisina samtang koralan usab ang palibot sa katibuk-ang yuta nga tukuran sa Regional Drug Rehabilitation Center.
Sa iyang pamahayag, gilauman nga sa una o ikaduhang semana sa bulan sa Nobyembre ipahigayon ang ground breaking ceremony sa construction site.
Gikanayon ni Dr. Alejandro nga basi sa impormasyong gipadangat sa mga Chinese counterparts, mahidangat sa probinsya ang Prime Minister sa China nga si Li Keqiang aron personnel nga mutambong sa ground-breaking ceremony sa Regional Drug Rehabilitation Center nga gibubuan og pondo sa ilang nasud.
Una niini gibutyag nga mamahimong nag-unang dinapit usab nga bisita si Keqiang atul sa inagurasyon sa Sarangani Provincial Hospital sa Nobyembre.
