GENSAN –Padayon ang konstruksyon sa Mabuhay Underpass sa GenSan aron masulbad ang problema sa trapiko, sumala sa update ni Congresswoman Shirlyn Bañas-Nograles.
Gibutyag sa Congresswoman nga aktibo ang Vicente T. Lao Construction ug DPWH sa pagtrabaho aron matapos ang proyekto sa labing dali nga panahon.
Sa kasamtangan, giandam na ang “subgrade level” ug nagapadayon ang pagbutang sa mga “anti-flood pipes” aron malikayan ang pag-agas sa tubig.
Gisiguro usab sa mga engineers ang pagpadayon sa “line canal” padulong sa taas nga bahin.
Gilauman nga maablihan ang underpass sa publiko sa dili pa moabot ang Disyembre 25.
Gipasabot sa opisyal nga hapit na matapos ang proyekto ug naglaum silang makahatag kini og mas hapsay ug malinawon nga dalan para sa tanan.
