SARANGANI – Naulanan maong nagkalapok ang bahin sa konstruksyon sa sitio Balakayo, barangay Calpidong, Glan Sarangani Province.
Mao kini ang nahimong pahayag ni Engineer Mateo Thomas, usa ka project engineer sa dihang girespodihan sa Bombo Radyo Gensan team ang lugar nga gialegar nga wala mabutangan ug bakal ug wala maagian ug pison apan largo nga gibuhusan ug semento.
Saysay ni Egr. Thomas may graba sa ilalom niini apan sa dihang naabtan ug ulan nagkalapok ug sulay pa nga paagian ug mga motor rason nga makita nga adunay agi sa ligid nga mas nakaagni ug kontrobersiya gikan sa mga lumolopyo.
Gani sa karun, gihunong ang maong bahin sa konstruksyon ug giangkon usab ni Egr. Thomas nga ilisonon ang maong bahin.
Nag-ugat ang tanan dihang adunay nag report kabahin sa gikabutyag nga wala gitarong ang paghimo sa maong konstruksyon nga maoy mokonekta sa mga dalan sa barangay Calpidong.
