Konsepto sa kooperatiba maayo

GENERAL SANTOS CITY – Gihingusgan ni Atty. Rey Cartojano, co anchor sa Duralex Sedlex sa Bombo Radyo GenSan nga nindot ang konsepto sa kooperatiba.
Kini ang reaksyon sa maong abogado kalabutan sa gihisgutan sa syudad nga angayang magpa-miembro sa kooperatiba ang mga tricycle drivers.

Apan gibutya ni Atty. Cartojano nga angayang maghimo og ordinansa ang syudad nga mahimong obligado ang mga tricycle drivers nga magpamiembro sa kooperatiba.

Sumala pa nga sa kasamtangang ordinansa dili mandatory ang pagpamiembro sa kooperatiba sa mga tricycle drivers.

Nasayran nga giangkon sa mga lokal nga gobyerno nga daghan pa ang wala nakasabot kung unsa ang kooperatiba butang nga ilang gipaningkamutan aron masabtan sa mga nasampit.