-- ADVERTISEMENT --
Gisusi sa Sangguniang Panlungsod ning dakbayan kung husto ug kompleto ba ang ginadeklarang kita sa mga nag-operate og sabongan, ilabina sukad gisugdan ang machine betting niadtong 2024.
Pinaagi sa Committee on Games and Amusement, gitutokan usab ang pamaagi sa operasyon sa mga sabongan ug ang kantidad sa buhis nga ilang ginahatag sa siyudad.
Gibutyag ni City Treasurer Zenaida Eturna nga adunay ginakaltas sa matag pusta sa manok nga naa sa ruweda.
Matud ni Vice Mayor Edmar Yumang, tumong sa maong pagdungog nga masiguro kung hustong gideklarar sa mga operator ang ilang kita ug kung kompleto usab ang nakolektang buhis sa siyudad
