GENERAL SANTOS CITY – Nanawagan ang chair sa Committee on Games and Amusement sa konseho ngadto kay City Director Police Chief Supt. Romeo Ruel Beranggo og sa walo ka chief of police sa dakbayan nga aksyunan ang kalabut sa slot machine.
Matud pa kay Kag. Jeng Gacal, bag-o lamang siya nakadawat og mga impormasyon nga aduna gihapon nagpabilin nga mga tolendoy ilabina sa mga suok-suok nga bahin sa mga barangay.
Sa iyang pamahayag, ang ubang presinto ang adunay nadakpan nga mga operator og nakumpiskang mga slot machines sa gipahigayong operasyon apan ang ubang presinto ang walay accomlishment.
Dugang pa ni Gacal, angayang tanang police station ang maglihok aron hingpit ng maundang ang operasyon sa maong iligal nga sugal dinhi sa dakbayan.
Gani, daghang ginikanan ang nagpadangat og reklamo sa iyang buhatan batuk sa tolendoy tungod ang mga baon sa ilang anak ang dili magastos aron pamalit ug recess apan ang sensilyo ang ihulog sa tolendoy.
