GENERAL SANTOS CITY – Moabot na lang sa 20 ka mga Guerilla front komunistang hut-ong ang aktibong galihok sa nasud nga padayong nakigbisog kontra sa gobyerno taliwala nga nagkaanam na ang ilang masa nga gasuporta kanila.
Gibutyag ni Colonel Alexander Banatao, Director for intelligence sa National task force end of local communist armed conflict (NTF-ELCAC) atol sa ilang gihimong tigom sa nagkalain laing ahensiya dinhi dakbayan sa General Santos.
Sumala pa niini nga gikan sa 89 ka communist Guerilla front human namugna ang programa sa nasud nga NTF-ELCAC mikunhod kini ngadto 22 tungod daghan nga tagasuporta sa kalihokan ang mobalik na sa sabakan sa gobyerno nga mitabang nga mapaabot ang mga programa sa ilang mga kaubanan.
Hinungdan nga sa karon anaa na lang sa 20 ang aktibo ug dili mohunong ang gobyerno sa pagpuhag niini nga mabalik ang kalinaw sa mga Lugar nga ginalihokan niini og mapalambo ang panginabuhi sa mga lumulupyo.
