Dili malipayon ang bag-ong tuig para sa E-Value Phils. Inc., nga mihunong sa operasyon niadtong Disyembre 31, 2025 human sa desisyon niini nga dili babagan ang mando sa Securities and Exchange Commission (SEC) nga nagbawi sa akreditasyon niini.
Base sa report, nakita sa SEC nga ang mga report sa pagtimbang-timbang sa E-Value para sa Villar Land ug sa mga subsidiary niini, nga gisuportahan sa negosyante ug kanhi Senate President nga si Manuel “Manny” Villar Jr., puno sa mga seryosong kakulangan ug dili kasaligan.
Gipangulohan ni SEC Chairperson Francis Ed. Lim ang pagkansela sa akreditasyon human ang usa ka onsite inspection nagpakita nga ang kompanya wala motuman sa internasyonal nga mga sumbanan sa pagtimbang-timbang ug kulang sa mga dokumento nga nagsuporta alang sa mga importanteng pangagpas.
Giingon sa SEC nga ang appraiser napakyas sa pag-justify sa P1.33-trilyon nga pagtaas sa bili sa mga propiedad ug nakalapas sa mga sukaranan nga prinsipyo sa independensya, propesyonal nga katakus, ug objectivity.
Dugang pa, ang komisyon nagpahamtang sa labing taas nga multa nga P1 milyon ug nagmando sa usa ka bag-ong appraisal para sa mga yunit sa Villar Land.
Nagpasidaan usab ang SEC nga ang sayop nga datos nga gigamit sa mga pinansyal nga pahayag mahimong makapahisalaag sa mga tigpamuhunan.
