GENERAL SANTOS CITY – Gibawe ni Kagawad Dominador Lagare Jr. ang gihatag nga deadline aron makapa myembro sa tulo ka kooperatiba ang mga traysikel sa Syudad, kini human gibutyag nga dunggon una ang petisyon nga giduso sa iyang buhatan sa nagpangalan ug Reggie Ergino.
Matud ni Kagawad Lagare nga lugway usab kini aron makapangita ug P2,500 ang mga driver alang sa membership ug pundo sa kooperatiba.
Nasabtan matud pa ni Lagare ang gibate sa mga petisyuner busa mugahin ug pipila ka adlaw aron magpahigayon ug kunsultasyon lakip committee hearing kalabutan niini.
Gikumpirma niini nga anaa na sa iyang mga kamot ang petisyon ni Ergino nga gipasaka kaniadtong adlaw nga lunes.
Gipasalig usab niini nga human madungogs a iyang komitiba ang unod sa petisyon mag set pag-usab siya ug petsa aron mapatuman na ang city ordinance number 3 series of 2018.
