Komedyanteng si Dinky Doo Jr., mitaliwan na

Mibuhos ang pahisubo ilabina gikan sa showbiz industry para sa komedyanteng actor nga si Dinky Doo Jr. human nga gikumpirma sa iyang pamilya ang pagpanaw niini kagahapon.

Nabugtuan matud pa ang aktor sa iyahang gininhawa bandang alas-7:20 sa buntag.

Sumala sa pamilya niini nga mitaliwan si Dinky tungod sa sakit nga iyahang nasinatian.

Kahinumduman nga nakaangkon ug diabetes ang maong komedyante niadtong 2008 tungod sa komplekasyon nga hatud sa high blood.

Lakip sa mga nagpadangat sa ilahang pahisubo ang mga kaubanan niini sa MCGI.

Lakip sa mga pelikula diin anaa si Dinky ang “Suddenly It’s Magic,” “Bala at Lipistik,” ug “The Fighting Chefs.”