Nakanayon ang Bangko Sentral ng Pilipinas (BSP) nga P1.372 bilyones nga kantidad sa mga sensilyo ang nadeposito pinaagi sa ilang coin deposit machines (CoDM) sukad niadtong Marso 17.
Sa social media post ang BSP nagkanayon nga ang kantidad katumbas sa 339.84 milyones ka piraso sa sensilyo gikan sa 311,858 ka transaksyon.
Ang proyekto sa CoDM, nga gilusad niadtong Hunyo 2023, nagtugot sa mga kustomer sa pagdeposito sa ilang legal nga mga sensilyo aron ma-kredito sa ilang GCash o Maya electronic wallet accounts, o i-convert ngadto sa shopping voucher.
Ang coin deposit machines nagsuporta sa Coin Recirculation Program sa BSP aron ibalik ang walay pulos nga mga sensilyo sa sirkulasyon aron sa pagserbisyo sa mga panginahanglanon sa kwarta sa nasud.
