Gikoronohan ang Filipino-German model nga si Kirk Bondad nga Mister Pilipinas-International.
Nagrepresenta kini sa Baguio diin gipildi niini ang ubang mga partisipante sa pageant nga gipahigayon sa Newport Performing Arts Theater sa Pasay City niadtong Lunes sa gabii, Abril 28.
Miapil sab si Bondad sa 2024 Mister World competition sa Vietnam niadtong Nobyembre diin nakaabot siya sa semifinals.
Si Kenneth Marcelino sa Laguna nakadaog sab sa Mister Pilipinas Cosmopolitan award, samtang si Michael Angelo Toledo sa Cebu City maoy midaog sa Mister Pilipinas Man of the Year 2025.
Ang midaog isip Mister Pilipinas Eco International mao si Kitt Cortez sa San Juan City, samtang ang Mister Pilipinas Manhunt International 2025 mao si Raven Lansangan sa Pampanga ug ang Mister Pilipinas Global gidaog ni Jether Palomo sa Taguig City ug Mister Pilipinas Supranational mao si Kenneth Cabungcal sa Dumaguete City.
