GENERAL SANTOS CITY -Gilayon nga gitugyan nilang Police Major Robert Fores sa bahay pag-asa ang kinse anyos nga nabawi-an sa carnap nga traysikel.
Sumala sa hepe sa makar Police station nga gilayon nga gipasusi sa doktor ang kinse anyos ug gipahibalo sa atubangon nga kaso.
Matud sa opisyal nga pagsupak sa RA 10883 (New Carnapping Act of 2016) ang atubangon sa batan-on.
Miaging gabii girespondihan sa mga sakop nilang Major Fores ug Police Major Ulf Tabucon sa Calumpang Police station ang taho nga nakita na ang karnap traysikel sa Purok New bohol, Calumpang .
Positibu ang pagkasikop sa suspek human giila sa nagpangalan ug Jay Panes nga iya ang naasoy nga traysikel nga nawala Agusto tres sa kaadlawon samtang nakaparada sa purok malok Labangal.
Padayon usab ang imbestigasyon sa kapulisan kung may kauban ang kinse anyos sa pagkuha sa traysikel ug kung aduna man wala na nagpagawas ug pahayag ang mga otoridad.
