Gilauman ang lider sa North Korea nga si Kim Jong-un nga motambong sa military parade sa Beijing karong Setyembre 3, kauban ang Presidente sa China nga si Xi Jinping ug Presidente sa Russia nga si Vladimir Putin.
Kini ang unang multilateral diplomatic event ni Kim sukad siya milingkod sa katungdanan kaniadtong 2011.
Ang pagtambong ni Kim nakita nga timaan sa panaghiusa sa North Korea, China, ug Russia taliwala sa tensyon sa Estados Unidos ug South Korea.
Bisan pa sa mga panawagan alang sa pag-abli pag-usab sa mga diplomatikong pakigpulong gikan sa Presidente sa South Korea nga si Lee Jae-Myung ug Presidente sa US nga si Donald Trump, si Kim daw gipalabi ang usa ka alyansa sa Beijing ug Moscow.
Ang Pyongyang kaniadto nagpadala og mga tropa ug mga armas aron pagtabang sa kampanya sa Russia sa Ukraine. Giingon usab nga ang biyahe ni Kim gitumong aron mahupay ang tensyon sa China, samtang nagpadayon ang suporta niini alang sa Russia.
Sumala sa mga taho, si Kim molingkod sa left side ni Xi, samtang si Putin ang molingkod sa right side. Adunay gisulti nga iyang gamiton ang iyang forest green nga tren alang sa biyahe.
