Gipanghimakak sa usa ka kontraktor ang paghatag og kickback kang Senator Jinggoy Estrada sa pagpadayon sa pagdungog sa Senate Blue Ribbon Committee sa anomalosong flood control projects.
Kini human giakusahan ni Ex Department of Public Works and Highways (DPWH) engineer Brice Hernandez ang representante saWJ Construction nga si Mina Elamparo-Jose nga nag hatud matud pa sa kickback sa Senador.
Apan gipanghimkak usab kini sa maong representative sa WJ Construction. Sa iyang pahayag nga bisan kanus-a wala siya nalambigit sa unsa mang iligal nga aktibidad,
Wala siya naghatag o midawat og unsa mang salapi gikan sa Kinsa man nga public official o empleyado sa gobyerno bisan kay Brice Hernandez. Wala usab matud pay basehan og malisyoso ang mga akusasyon batok kaniya og sa WJ Construction.
Kahinumdoman nga una ng gilambigit ang pangalan ni Jose sa gipahigayong bulag nga pagdungog sa Infrastructure Committee sa House of Representatives, kung asa gipagawas ni Hernandez ang matud pa text conversation niadtong Disyembre 2022 tali niya og sa usa ka nagpangalang Beng Ramos mga matod pa staff ni Sen. Estrada.
Dinhi gibutyag ni Hernandez nga adunay proyektong gihatag si Henry Alcantara kay Beng Ramos pinaagi ni Mina sa WJ Construction. Apil usab sa ilang panag istorya kung kanus a mapadala ang obligasyon tungod kinahanglan sa iyang boss nga si Alcantara.
Apan giklaro usab ni Elamparo-Jose nga ang delivery nga nahisgot sa iyang text message mga dokumento alang sa joint venture og dili bayad.
