Rolan “Kerwin” Espinosa niduso sa iyang certificate of candidacy (COC) sa pagka mayor sa lungsod sa Albuera, Leyte.
Nahimong kontrobersyal si Espinosa human gi-link siya ni kanhi Presidente Rodrigo Duterte sa illegal drug trade sa Eastern Visayas, ug pagkahuman mitestigo sa pagdungog sa Senado bahin sa kaylap nga operasyon sa droga sa nasud.
Niadtong Hunyo, gibasura sa Baybay City, Leyte Regional Trial Court (RTC) ang kaso batok kaniya tungod sa kakuwang sa ebidensya.
Usa lang kini sa sunodsunod nga ligal nga kadaugan ni Espinosa.
Kahinumduman nga nitahan sa awtoridad ang amahan ni Kerwin nga si Rolando Espinosa Sr. apan sa ulahi gipatay sa usa ka kontrobersyal nga operasyon sa pulisya sulod sa iyang prisohan, nga nagpatunghag mga pangutana bahin sa opisyal nga asoy sa iyang kamatayon.
Naapil usab si Kerwin sa mga pasangil nga iyang gi-finance ang drug money kang kanhi senador Leila de Lima pinaagi sa iyang ex-aide nga si Ronnie Dayan.
Bisan pa, kaniadtong 2022, gibakwi ni Espinosa kini nga mga pahayag ug gipahayag nga siya “gipugos, gihadlok, ug seryoso nga gihulga” aron magpamatuod batok ni De Lima.
