Kawatan og pinya, patay dihang nakig-engkwentro sa mga guwardiya

SOUTH COTABATO- Patay ang usa ka lalaki nga gidudahang ‘noted’ nga kawatan og pinya human nakig-engkwentro sa mga guwardiya sa plantasyon sa pinya sa Sitio Capareda, Barangay Acmonan, Tupi, South Cotabato.

Sa taho, dugay na nga gimonitor sa mga barangay officials ug mga tanod nga nadestino sa maong plantasyon ang suspek nga giingong nigamit og 4×4 pick-up truck sa pagpangawat.

Dihang gisuwayan pagdakop sa mga guwardiya, nibunot matud pa og pusil ang lalaki ug nagpabuto.

Miresulta kini sa pagbinayloay og bala nga miresulta sa kamatayon sa suspek.

Sa pagkakaron, padayon pa ang imbestigasyon sa Tupi Municipal Police Station aron mailhan ang suspek ug masuta ang ubang detalye kalabot sa insidente.