Pipila ka mga katingalahang panghitabo sa astronomiya lakip ang supermoon ug meteor shower ang makita sa Nobyembre.
Para sa mga selenophile o mga indibidwal nga nahingangha o ganahan mo-obserbar sa bulan, sumala sa state weather bureau, ang Full Moon sa Perigee o gitawag nga Supermoon gilauman nga makita sa Nobyembre 5.
Sumala sa ahensya, ang full phase sa bulan ug ang pinakaduol nga posisyon niini sa orbit niini palibot sa kalibutan mahitabo sa Nobyembre a-5. Kini makita nga pito ka porsyento nga mas dako ug kinse porsyento nga mas dako kaysa sa kasagaran nga full moon.
Ang astronomical event nga Leonid meteor shower mahimong aktibo gikan sa Nobyembre 6 hangtod 30 ug moabot sa kinapungkayan niini sa Nobyembre 17.
Gipasabot sa weather bureau nga ang giingon nga astronomical event mahitabo kung ang kalibutan moagi sa mga debris nga gibilin sa Comet Tempel-Tuttle.
Ang giingon nga meteor shower labing maayo nga tan-awon hangtod sa pagsubang sa adlaw.
Samtang, ang Northern Taurid meteor shower mahimong aktibo gikan sa Oktubre 20 hangtod Disyembre 10, nga moabot sa kinapungkayan niini sa Nobyembre 12.
