Napili isip best actress sa Filipino Academy of Movie Arts and Sciences (FAMAS) si Kathryn Bernardo.
Gidawat niini ang tropeo sa gipahigayon nga awards night sa Fiesta Pavilion sa Manila Hotel tungod sa pagbida niya sa pelikulang “A Very Good Girl”.
Gipildi niini sa maong kategorya silang Maricel Soriano alang sa pelikulang “In His Mother’s Eyes,” Charlie Dizon sa “Third World Romance,” Marian Rivera sa “Rewind,” Sharon Cuneta sa “Family of Two,” ug Eugene Domingo alang sa pelikulang “Becky & Badette.”.
Nakuha usab nilang Piolo Pascual ug Alfred Vargas ang Best Actor award alang sa pagbida nila sa mga pelikulang “Pieta” ug “Mallari”.
Gipildi nila silang Dingdong Dantes sa pelikulang “Rewind”, Alden Richards sa pelikulang ” Family of Two” , Cedrick Juan alang sa pelikulang “Gomburza ug Ken Chan alang sa pelikulang “Papa Mascot”.
Midaug usab si Gloria Diaz ug Best Supporting Actress alang sa pelikulang “Mallari” ug LA Santos alang sa pagbida niini sa pelikulang “In His Mother’s Eyes”.
Nakuha usab ni Euwenn Mikael ang Best Child Actor award alang sa “Firefly” samtang Best Child Actress usab si Elia Ilano alang sa pelikulang “Ghost Tales”.
Napili isip Best Director si Louie Ignacio alang sa pelikulang “Papa Mascot” samtang ang pelikulang “Mallari” ang midaug sa Best Picture.
