Katawhan nagsugod na ug bisita sa nagkadaiyang sementeryo sa dakbayan

Nagsugod na ang mga tawo sa pagbisita sa ilang mahal sa kinabuhi sa mga nagkadaiyang sementeryo sa dakbayan.

Kini human nga nagpagawas og kamanduan ang lokal nga gobyerno nga sirado ang mga sementeryo sa pampubliko man o pribado sa Oktobre 29 hangtud Nobyembre 2.

Gani padayon ang panawagan si Mary An Tan, administrator sa Antonio C. Acharon Memorial Park kon ACAMP sa katawhan nga sayohon ang pagbisita sa mga mahal sa kinabuhi.

Bisag dako kaayo ang ACAMP hugot nga gipahinumduman ang katawhan nga sundon ang mga patakaran.

Kahibaluan nga kini na ang ikaduha nga higayon nga gisirado ang mga sementeryo sukad nga natigayon ang pandemnya kaniadtong Marso 2020.