GENERAL SANTOS CITY – Nagpadayon ang pagmonitor sa kasundalohan sa Mindanao State University-Tambler Campus may kalabotan sa impormasyon kabahin sa ginahimong recruitment activities sa communist terrorist group nga New People’s Army.
Gikumpirma ni Lt. Col Datu Jaspi Jamalol, tigpamaba sa Task Force GenSan nga nagkatagbo sila sa MSU Chancelor kung asa ilang nahisgutan ang maong problema.
Hinuon, gikondena sa nasampit nga opisyal ang kumpirmasyon sa National Intelligence Coordinating Agency (NICA) kabahin sa ginahimong recruitment activities sa walhong grupo sa mga magtutungha sa maong unibersidad.
Nanawagan si Col. Jamalol sa mga gatungha sa MSU-Tambler Campus nga dili magpadala sa gihimong recruitment sa NPA aron muoban sa kalihokan sa kabukiran.
Ang angayang himuon mao ang pagtutok sa pagtuon aron makalampos hangtod sa makab-ot ang mga pangandoy.
Wala gibawal sa mga estudyante ang musalmot sa mga organisasyon apan dili kadtong grupo nga mukontra sa gobyerno. Gihingusgan ni Col. Jamalol nga sulod sa 50 ka tuig walang nahimong maayo sa nasud ang CPP-NPA.
Hinuon giklaro sa MSU Chancelor nga wala’y basbas gikan sa unibersidad ang maong kalihukan sa komunistang grupo, asa target niini ang mga magtutungha sa ilang ginahimong recruitment .
