GENERAL SANTOS CITY – Napasaka na ang kasong robbery pinaagi sa regular filling batok sa mga suspek nga nahimong responsable sa pagpangransak sa meatshop sa Yumang St, Brgy San Isidro ning syudad.
Kahinumduman nga alas 3:00 sa kaadlawon kaniadtong Abril 10 sa kasamtangang tuig dihang gisulod sa upat ka mga suspek ang Meaty-Ribol Meat Shop pinaagi sa pagbuak sa glass door hinungdan nga malampusong nadala ang P3,000.
Mibalibad ang kapulisan sa pagbutyag sa mga pangalan sa suspek samtang ginahulat na lang nga mugawas ang warrant of arrest.
Dakong tabang matud pa ang nakuha nga cctv footage ingon man ang testimonya sa mga testigo hinungdan nga nailhan gilayon ang mga suspek.
Nagpabiling gawasnon ang mga suspek og padayong ginamonitor sa sakop sa San Isidro Police Station aron madakpan og atubangon ang kasong gipasang-at batok kanila.
