GENERAL SANTOS CITY – Napasaka na sa kapulisan ngadto sa Provincial Prosecutors Office ang kasong reckless imprudence resulting to multiple homicide batok sa driver sa pick-up nga si Jaylan Inantay 36 anyos residente sa Sito Asnalang, Tinoto, Maasim Sarangani Province.
Matud ni Police Major Herman Luna, Chief of Police sa Maasim Municipal Police Station, sila ang mibarog nga reklamante batok sa driver tungod dili pwedeng hulaton ang pamilya sa mga namatay tungod kay maupos ang reglementary period.
Gibutyag niini, magparentihanay ra usab ang mga nasampit.
Nag-areglohanay usab ang driver og ang tag-iya sa balay og traysikol nga nabanggaan niini hinungdan nga wala napasaka ang kasong Reckless Imprudence resulting to multiple injuries ug damage to properties.
Sa pamahayag ni PMaj. Luna, miaging adlaw nahunusan sa kinabuhi ang driver sa traysikol nga si Gregorio Pilon hinungdan upat na ang namatay sa disgrasya samtang may duha ka biktima ang naa pa sa ospital.
Migawas sa imbestigasyon nga nakainom ang driver sa pickup og paspas usab ang padagan niini dihang mibalik sa beach resort og didto nahitabo ang disgrasya.
