Gipasalig sa Department of Health nga ang kaso sa Mpox sa nasud nagpabilin nga kontrolado bisan pa sa pagdaghan sa mga kaso.
Sa usa ka pamahayag, si Health Secretary Ted Herbosa miingon nga ang Pilipinas wala pa maapil sa public health emergency of international concern nga unang gi-isyu sa World Health Organization.
Kini nagpasabot nga dili pa seryoso ang kaso sa MPOX sa Pilipinas.
Wala pa matino ang eksaktong gidaghanon sa mga kaso sa MPOX sa nasud bisan pa man nga gipasalig sa ahensya nga mas ubos ang ihap sa mga kaso sa maong sakit karong tuiga kon itandi sa miaging tuig.
Nagpadayon usab ang ahensiya sa ilang kampanya sa paghatag og impormasyon sa publiko kon unsaon paglikay sa mpox ug unsaon kini pagtratar.
Matod niya nga ang mga kaso sa mpox sa nasud naa lang sa mas malumo nga variant sa Clade II.
