GENERAL SANTOS CITY – Medyo mitaas ang natala nga kaso sa natakdan og HIV sa Gensan, kini sumala pa sa kumpirmasyon ni Dra. Rochelle Oco, Acting Head sa City Health Office.
Matud pa niini nga gumikan kini sa ilang ginapahigayon nga pag-edukar kabahin sa HIV hinungdan nga daghan ang nagaadto sa City Health Office aron magpa-HIV test.
Matud niini aduna nay giandam nga mga bag-ong estratihiya alang sa pagsaka sa demand generation kung asa daghang indibidwal nga magpasuta pinaagi sa social hygiene clinic team, doktor, medtech og nurses aron masayran kun HIV positive.
Kasagaran matud pang makuha ang HIV pinaagi sa bodily fluids sa usa ka tawo nga may HIV nga kasagaran gumikan sa pakighilawas nga walay proteksyon.
Giawhag niini ang publiko hilabina ang mga adunay multiple sex partners nga magpaHIV test hilabi na kung adunay nasinatian nga mga sintomas sa maong sakit aron matagad og dili na musamot pa.
