Gitaho sa Department of Health (DOH) ang pagsaka sa mga kaso sa dengue sa tibuok nasud tungod kay gikan sa 6,323 ka mga kaso niadtong Mayo 19 hangtud sa Hunyo 1, misaka kini og 30 -porsiento kon ngadto sa 8,246 gikan sa Hunyo 2 hangtud sa 15.
Ang pinaka-ulahing listahan gikan sa Hunyo 16 ngadto sa 29 nagpakita nga nag kaso sa dengue, mi-abot sa 8,213, apan nagpahimangno nag DOH nga posibleng musaka pa kini tungod sa mga late reports.
Nasayran nga pito ka mga rehiyon ang nisaka ang kaso sa nakalabay’ng unom ka semana gilangkuban kini sa MIMAROPA ; Cagayan Valley, Western Visayas, Ilocos Region, Central Luzon, CALABARZON ug ang National Capital Region.
Gikan niadtong Enero hangtud Hunyo 29, mi-abot sa kinatibuk-ang 90,119 ka mga kaso sa dengue ang natala uban sa 233 ka mga namatay kung asa misaka og 19-porsiento kung iitandi sa natala nga 75,968 ka mga kaso ug 91 ka mga namatay sa mi-aging tuig.
