GENERAL SANTOS CITY – Miubos na ang talaan sa kaso sa dengue sa South Cotabato gumikan sa padayong kampanya ug ang pagpatuman sa 4S kon Search and Destroy Mosquito-breeding Sites; secure self-protection measures ; seek early consultation; ug support fogging/spraying sa hotspot areas.
Matud ni Cecille Lorenzo, sa Epidemiology and Surveillance Unit nga ang dengue cases sa Agusto sulod sa napulo ka lugar ang miubos ug 34 percent gikan sa 1,441 miubos ngadto sa 951 ka mga kaso sa bulan sa Hulyo.
Gikan Enero hangtud Agusto mitala na sa 5,366 samtang 23 na ang patay.
Mas taas kini ug 192 porsyento kumpara sa 2,795 ka mga kaso sa susama nga panahon miaging tuig.
Upat sa namatay taga Koronadal City ug Surallah tulo sa Polomolok; tig duha sa Banga, Sto. Niño, Tampakan, T`boli ug Norala ug tig namatay sa Tantangan ug Tupi.
Kahinumduman nga nagdeklara ug state of calamity kaniadtong Hulyo 19 gumikan sa dengue outbreak.
Matud ni Lorenzo ang pag-ubos sa dengue cases ang resulta sa pagdowngrade sa estado sa epidemic ngadto sa alert level.
