ENERAL SANTOS CITY – Halos 17,000 ang kaso sa dengue nga natala sa Rehiyon 12 gikan Enero 1 hangtud sa Septiembre 10, 2019.
Sa report gikan sa Department of Health (DOH) 12 nga miusbaw na ngadto sa 73 ang patay.
Ang nanguna sa listahan mao ang South Cotabato 5,562 nga 24 patay, gisundan sa North Cotabato 5,485 ang kaso samtang 23 ang patay
Ang ikatulo ang Sultan Kudarat nga anaa sa 2,297 kung asa 13 ang patay samtang sa Sarangani 1,741 ang kaso kung asa siyam ang patay.
Nasayran nga ang GenSan ang anaa sa 1,159 ang kaso samtang upat ang patay og Cotabato City ang anaa sa 755 ang kaso og walay natala nga namatay.
Ang DOH 12 ang padayon ang panawagan sa katawhan nga manglimpyo sa palibot.
Sa miaging adlaw ang Sarangani ang nagpahigayon og Anti Dengue Reload Campaign kung asa dungan nga nanglimpyo ang mga residente sa pagtungtong sa alas 4:00 sa hapon.
Kahibaluan nga sa Gensan namugna na ang dengue task force sa mga barangay dinhi sa dakbayan.
Matud pa ni Dr.Jett Oco sa CHO nga gihatagan og nag-unag pagtagad sa ilang buhatan kadtong mga barangay nga may labing daghang kaso.
Sa iyang pamahayag nga nakatuman ang maong mga barangay kung asa regular nga gapahigayon og 4 o’clock habit o manglimpyo sa palibot kada alas 4:00 sa hapon.
Gihimo ang maong lakang aron nga masiguro nga ang tanan ang gapanglimpyo ang palibot gumikan ubay-ubay na ang kaso sa dengue.
