GENERAL SANTOS CITY– Mukabat na sa 312 ang mga kaso sa COVID-19 sa Rehiyon 12 tungod sa nadugang nga duha ka bag-ong kaso sa maung makamatay nga sakit.
Base sa pinakaulahing datos nga gipagawas sa DOH-12 ang bag-ong nagpositibo sa covid 19 ang 51 anyos nga lalaki nga residente sa GenSan nga kung asa miabot sa dakbyan niadtong Lunes gikan sa Pangasinan og ang 20 anyos nga usa ka lalaki nga residente sa South Cotabato nga nakauli sa ilang dapit kaniadtong Aug 3 gikan sa Pasay City.
Sa 312 confirmed covid 19 cases, 158 niini ang aktibong kaso samtang 150 na ang nakarecover.
Sa karon nag-una ang Probinsya South Cotabato nga adunay 75 ka mga kaso kung asa 37 ang nakarecover.
Gisundan kini sa Sarangani nga nakatala ug 64 na ka mga kaso, 23 niini ang nakarecover.
Ikatulo ang Sultan Kudarat nga adunay 60 ka mga kaso 36 ang nakarecover.
Dayon ang North Cotabato nga adunay 44 ka mga kaso duha ang patay ug 23 ang anaa na sa luwas nga kondisyon samtang ang dakbayan sa Heneral Santos adunay 41 ka mga kaso, pito pa lamang ang nakarecover og sa Cotabato City nagpabalin nga 28 ka mga kaso kung asa 24 niini ang nakarecover na gikan sa covid 19.
