GENERAL SANTOS CITY – Nadugangan og 23 ka kaso sa COVID-19 ang Rehiyon 12.
Tungod niini anaa na sa 485 sa natakdan sa maong virus sa Region 12.
Base sa data gikan sa Department of Health (DOH 12) nga adunay upat ang bag-ong nakarekober sa maong sakit hinungdan nga anaa na sa 347 ang total recoveries.
Gibutyag nga pito ang natala nga namatayhuman nga may usa ang namatay gikan sa GenSan.
Hinoon ang ikaduha namatay sa GenSan kagabii ang karong adlawa matala sa listahan sa DOH 12.
Sa Sarangani usa ang patay, duha sa North Cotabato ug tulo ang Sultan Kudarat.
Ang nanguna nga may labing daghan nga natala nga kaso sa maong virus ang South Cotabato 125, og 81 ang nakarekber.
Samtang nagpabilin sa ikaduha nga pwesto ang dakbayan sa Gensan nga adunay natala 84 ka mga kaso, samtang 48 ang nakarekober.
Ikatulo ang Sultan Kudarat nga adunay 81 ka mga kaso, 67 ang nakarekober.
Ang Sarangani adunay 78 ka mga kaso og 67 ang nakarekober.
Anaa sa ikalima nga pwesto ang North Cotabato nga adunay 62 ka mga kaso nga sa maong ihap 45 ang nakarekober.
Ang Cotabato City adunay 55 ka mga kaso og 39 ang nagmaayo na.
