GENERAL SANTOS CITY – Milampas na sa 5,000 ang kaso sa Covid-19 infections sa tibuok Soccsksargen area human matala ang 31 nga bag-ong mga natakbuyan sa maong sakit.
Sa maong ihap, upat gikan sa Gensan, 10 gikan sa North Cotabato , lima gikan sa Sarangani, unom sa South Cotabato og unom sa Sultan Kudarat.
Base sa gipagawas nga datos sa DOH-Center for Health Development, gikataho nga misaka na sa 5,010 ang kaso sa rehiyon, kung asa asa 547 niini ang gikonsiderang aktibo o padayon pang nagpaayo sa sakit.
Sa maong ihap, mukabat sa 166 gikan sa General Santos; 170 sa North Cotabato; 38 sa Sarangani; 109 sa South Cotabato ug 64 gikan sa Sultan Kudarat.
Samtang misaka pa sa 4,282 ang ihap sa mga naka-rekober human nga nadugang ang 26 nga bag-ong nagmaayo sa sakit og 180 ang natala nga Covid-19 related deaths sa tibuok rehiyon.
