GENERAL SANTOS CITY – Mukabat na sa 827 ang kumpirmadong kaso sa covid-19 sa GenSan nga nanguna karon sa adunay labing daghang natakbuyan sa sakit sa Rehiyon 12.
Kini human nga nadugang ang 42 nga bag-ong kaso base sa labing ulahing report kagabii sa Department of Health 12-Center for Health Development.
Anaa sa 256 ang padayon pang nagpaayo sa dakbayan, 28 ang patay, 543 ang nagmaayo na sa sakit.
Samtang ang South Cotabato mitala og 707 kaso sa covid 19, Cotabato City 619 ang kaso , North Cotabato 223, Sarangani Province 243 og mukabat sa 170 ang kumpirmadong kaso sa Sultan Kudarat.
Kahibaluan nga sa report nga gipagawas kagabii, 61 ang nadugang nga kaso sa COVID 19 sa Soccsksargen og 35 ang bag-ong nagmaayo sa sakit.
Hinungdan nga ang tibuok rehiyon mitala na karon og 2,789 kumpirmadong kaso sa covid-19, 724 ang active cases, 86 ang patay og 1,978 ang nakarekober.
