GENERAL SANTOS CITY – Mukabat sa 60 ang bag-ong nadugang nga kaso sa Coronavirus dieasese 19 sa Region hinungdan nga misaka na ang ihap karon sa 2,421 ka buok.
Base sa ulahing datos sa Department of Health-Center for Health Development SOCCSKSARGEN Region, sa katibuk-an nga kumpirmadong nagpositibo 669 ang aktibong kaso, 1,678 ang nakarekober tungod adunay 27 ka pasyente nga nagmaayo na sa sakit og 73 na ang namatay sa covid-19 human na adunay nadugang nga duha kagahapon.
Ang GenSan sa gihapon ang nanguna sa adunay labing daghang kaso nga misaka na sa 708 kabuok, kung asa 257ang active cases.
Ang ikaduha South Cotabato nga adunay 657 ka kaso og 161 ang actives cases.
Ang ikatulo ang Cotabato City nga anaa sa 512 og 135 ang active cases.
Ang North Cotabato adunay 203 ang kaso sa makamatay nga sakit og 52 ang aktibong kaso.
Ang Sarangani 183 ang kaso og aduna pay 46 ka pasyente nga padayon pang nagpaayo.
Samtang mitala og 158 kaso sa covid-19 ang Sultan Kudarat og 18 ang active cases.
