GENERAL SANTOS CITY – Mukabat sa 18 ang bag-ong kaso sa COVID 19 ang natala sa rehiyon 12 base sa labing ulahing report sa DOH – Center for Health Development Soccsksargen Region.
Samtang natala usab ang 67 ang bag-ong nakarekober og duha ang patay nga ang tag usa gikan sa Tampakan, South Cotabato og GenSan.
Sa 18 ka kaso tag pito ang gikan sa GenSan og South Cotabato, tulo sa Sarangani og usa ang gikan sa North Cotabato. Ang South Cotabato ang may 22,084 nga kaso, 69 ang active cases og 817 ang patay.
Ang GenSan ang may 17,739 ka kaso, 65 ang active cases og 627 ang patay. Ang North Cotabato ang may 13,851 ang kaso, 11 ang active cases og 663 ang patay.
Ang Sultan Kudarat ang may 8,533 ang kaso, 10 ang active cases og 251 ang patay. Ang Sarangani ang may 7,972 ang kaso, 26 ang active cases og 194 ang patay.
Sa katibuk-an adunay 70,179 ang COVID-19 confirmed cases sa SOCCSKSARGEN region kung asa 181 (0.26%) ang active cases, 67,414 (96.06%) ang recoveries og 2,552 (3.64%) ang COVID-19 related deaths.
