Gipadayag sa Alabel Municipal Police Station nga wala pa kini gi-deklarar nga kaso nga nasulbad o “case closed.”
Sumala ni Police Lieutenant Colonel Benjie Ancheta, hepe sa Alabel MPS, dili pa nila isira ang kaso samtang adunay mga pangutana ug pagduda nga naglutaw sa publiko ug sa pamilya sa biktima. Giingon niya nga kinahanglan pa ang dugang nga ebidensya ug mas lalom nga pagtuki aron masiguro ang tinuod nga nahitabo sa insidente.
Gipasabot sa kapulisan nga padayon ang ilang koordinasyon sa ubang imbestigador ug mga concerned agencies aron matino ang mga detalye sa kamatayon ni Guinang. Lakip sa ilang gisusi ang mga posibleng motibo ug ang mga testimonya sa mga nakakita o nakabaton og impormasyon sa maong hitabo.
Gi-awhag usab sa kapulisan ang publiko nga magpabiling kalma ug magtinabangay pinaagi sa paghatag og tukmang impormasyon nga makatabang sa pagsulbad sa kaso.
Samtang nagpadayon ang imbestigasyon, gipasalig sa Alabel PNP nga dili sila mopahunong hangtod nga makab-ot ang klarong resulta ug mapadayag ang tinuod nga kahimtang sa kamatayon ni Willy Guinang.
