Taralon una sa Pilipinas ang kaso ni KOJC leader Pastor Apollo Quiboloy ayha pa itugyan sa Amerika aron atubangon usab ang iyang kaso sumala sa Department of Justice. Kung ma-convict ang Pastor, angayan una serbisyuhan ang iyang sentensiya dinhi sa Pilipinas una tugutan ang unsa mang request sa Amerika alang sa posibleng extradition ni Quiboloy.
Gikadugang pa sa ahensiya nga ginaila niini ang extradition treaty nga aduna ang Pilipinas sa Amerika kung asa gaatubang ug patong patong nga kaso si Quiboloy ug nabutang sa most wanted list sa Federal Bureau of Investigation (FBI). Una ng gibutyag ni Justice Secretary Jesus Crispin Remulla nga sundon nila ang due process sa pagtaral sa kontrobersiyal nga religious leader.
Gikalipay usab sa kalihim ang pagsurender sa dugay ng nagtago nga pastor. Usa ka testamento matud pa sa propesyunalismo ug commitment sa puwersa sa gobyerno sa pagpatuman sa ilang mandato kauban ang pagpatuman sa rule of law. Gani dili matud pa sayon ang pagdakop sa pastor tungod daghan ang suporta, impluwensiya, bahande ug gahum ni Quiboloy.
