Gipalig-on sa Sandiganbayan ang conviction ni
sa duha niini ka graft cases.
Ang nahisgutang mga kaso nanukad matud pa sa ghost purchase sa mga information technology (IT) educational material nga nagkantidad ug P77.26 million.
Nahitabo kini kaniadtong siya pa ang Gobernador sa Autonomous Region in Muslim Mindanao (ARMM) tuig 2001.
Kabahin sa akusasyon ang nag-ugat sa matud pa panag-uban nilang Misuari ug kauban nga akusado aron mapaboran ang tulo ka mga pribadong kumpanya ug mahatagan sila ug “unwarranted benefits, advantage ug privilege” human sa IT deal.
Silang Misuari ug mga kauban nga akusado ang nasentensyahan ug unom hangtud walo ka tuig nga pagkabilanggo sa matag graft conviction, kauban ang perpetual disqualification sa paghupot ug unsa mang public office.
Ang mga kauban nga akusado ni Misuari mao silang kanhi Department of Education (DepEd)-ARMM Director Leovigilda P. Cinches, Accountant Alladin D. Usi, supply officer Sittie Aisa P. Usman, Commission on Audit-ARMM resident Auditor Nader M. Macagaan, chief accountant Pangalian M. Maniri, ug usa ka pribadong indibidwal.
